السلام عليكم ..
فاكرين محمدين اللي كتبت عنه التدوينة اللي فاتت ؟!
لأ ؟!
أحسن بردو !
المهم جالي الفترة اللي فاتت كتير من الأسئلة عن إن في ناس بتنادي آل إيه بمليونية لتطبيق الشريعة ! وطبعا الكل بيسألني وهو متحمس ! طبعا أنت مؤيد ليها وهتنزل صح ؟!
طبعًا علشان أجاوب ع الحماس ده مينفعش أقول أيوة أو لأ مباشرة ! لازم استفسر ايه المليونية دي ، مين منظمها هل ليها أهداف غير معلنة هل وهل وهل ! فاللي بيسألني بيزهق مني ويقولي خلاااص مش عايزيين نعرف رأيك !
وبما إن محدش ناوي يسمع رأيي قلت أكتب رأيي هنا في المليونية دي ! وطبعا زي مانتم عارفيين أنا كنت ضد الثورة التانية أو اللي كانت اسمها ثورة تانية ومحضرهاش غير 50 ألف بالكتير وطبعا اللي اتهمني بالعمالة واللي اتهمني بأني خاين واللي قالي انت بتاكل كنتاكي وأنا والله مش بحب الكنتاكي أصلا يعع !
وطبعًا الفئة دي متوقعة اني أؤيد المليونية الإسلامية بقوة ! بما انها بقى اسلامية وانا خاين ومش بيهمني أمر الوطن وعندي اجندات خاصة فهكون مؤيد ! والكلام ده طبعا غلط .
وده رد على الناس اللي ماسكة شوية تهم معلبة بترميها يمين وشمال ! للأسف سيادتي مش مؤيد اطلاقا لما يسمى بمليونية الشريعة ! اللي بالمناسبة مش هتكمل أصلا 200 شخص بالكتير يعني !
هيجي هنا شوية ناس متحمسة إيه ده يعني انت ضد الدين يا اسلام ! ومش عايز الشريعة تطبق !
ايوة مش تستغربوا هي بقت كدا انت لو خالفت حد على طول لازم يتهموك بأي شيء !
هقوله لأ طبعًا أنا مشروعي أصلا هو تطبيق الشريعة مش بس في مصر بل في أمتنا الإسلامية كلها ومع ذلك أنا ضد البتاعة دي !
تخيلوا معايا واحدة عايز تصرف على عيالها بس مش معاها فلوس فراحت تزني علشان تأكلهم !
نيتها حسنة وجميلة ، خايفة عليهم من الجوع ! لكن الوسيلة كانت الزنى .. هل ده أمر كويس !
طبعا الجواب لأ ! أمرضعة الأيتامِ من كدِ فرجها * لكِ الويلُ لا تزني ولا تتصدقي !
اللي انا عايز أقوله إن ممكن تكون نياتنا حسنة لكن وسائلنا غلط ، والنيّة الصالحة عمرها ما تصلح العمل الفاسد .
أنا عايز اطبق الشريعة ده كلام جميل ، طيب نشوف بقى الوسيلة هل يا ترى الوسيلة مناسبة !
لأ .. وده لأسباب أولها ، تطبيق الشريعة مش بيجي بمظاهرة ، بمعنى تطبيق الشريعة لو انت عايزه فعلا ممكن تقولي انت قدمت إيه للدين ، خدمت بلدك بإيه ، كام واحد أقنعته بأن الشريعة مناسبة ؟! يبقى عايز فعلا تطبق الشريعة اشتغل على الأرض ، انزل انت والشباب اللي حواليك اكنس منطقتك ، انزل في جمعية خيرية اشتغل ! اتصدق ، ساعد مريض .. وهكذا .. ده اللي هيعجل بتطبيق الشريعة
ثانيا .. ممكن تقولي مين دعى للبتاع اللي اسمها مليونية دي ؟! يعني يا صاحب الجروب ممكن تسمي العلماء اللي واقفين وراك في الأمر ده ؟! أنا مسمعتش حد من مشايخ مصر تكلموا عن كدا ولا سمعت حد من قيادات الاخوان تكلموا عن البتاعة دي ، يبقى يا ترى مين اللي خلاك تدعوا لشيء زي كدا وتتكلم ..
هيجي واحد يقولي مش لازم حد من العلماء يتكلم ! لأ يا حبيبي لازم جدا .. لأنك لو عايز تعمل مليونية فعليا يبقى لازم تكون ناجحة ، وعلشان تكون ناجحة لازم تعمل حشد مليوني فعلا ، وعلشان تعمل الحشد ده يبقى لازم أحد المشايخ الكبار هو اللي يدعوا ليها صراحة والاخوان يقفوا وراها ، غير كدا هتبقى فاشلة ، هتؤخر أكثر من كونها هتقدم ، هتقول للناس هي دي قوة الاسلاميين الحقيقية وده كلام باطل طبعا !
تخيلوا كدا انا بقول نازل مليونية ، وببص ملقتش غير 200 شخص ! مسخرة فعلا ، يبقى علشان تخدم قضيتك اسأت إليها بكل سذاجة .
ثالثا ممكن أعرف مين أول من دعى لشيء زي ده ، هل فيه نوايا أخرى غير تطبيق الشريعة! ليه التوقيت ده بالذات .. أظن دي اسئلة مشروعة .. ليه ميكنش اللي دعى لشيء زي كدا شخص عدو للإسلاميين اصلا وبيرد على خيبة الثورة التانية التقيلة ؟؟؟
فحب يورط بعض الشباب المتحمس اللي مش فاهم ! فقام عمل بيج ع الفيس وبدأ يخرف كدا ؟!
رابعا شوفوا كدا الفيديو ده وقولوا بقى يا ترى لو أهدافها كويسة فعلًا .. ليه الحاجة للكدب على الشيخ عبدالرحمن منصور ؟!!!!
فاكرين محمدين اللي كتبت عنه التدوينة اللي فاتت ؟!
لأ ؟!
أحسن بردو !
المهم جالي الفترة اللي فاتت كتير من الأسئلة عن إن في ناس بتنادي آل إيه بمليونية لتطبيق الشريعة ! وطبعا الكل بيسألني وهو متحمس ! طبعا أنت مؤيد ليها وهتنزل صح ؟!
طبعًا علشان أجاوب ع الحماس ده مينفعش أقول أيوة أو لأ مباشرة ! لازم استفسر ايه المليونية دي ، مين منظمها هل ليها أهداف غير معلنة هل وهل وهل ! فاللي بيسألني بيزهق مني ويقولي خلاااص مش عايزيين نعرف رأيك !
وبما إن محدش ناوي يسمع رأيي قلت أكتب رأيي هنا في المليونية دي ! وطبعا زي مانتم عارفيين أنا كنت ضد الثورة التانية أو اللي كانت اسمها ثورة تانية ومحضرهاش غير 50 ألف بالكتير وطبعا اللي اتهمني بالعمالة واللي اتهمني بأني خاين واللي قالي انت بتاكل كنتاكي وأنا والله مش بحب الكنتاكي أصلا يعع !
وطبعًا الفئة دي متوقعة اني أؤيد المليونية الإسلامية بقوة ! بما انها بقى اسلامية وانا خاين ومش بيهمني أمر الوطن وعندي اجندات خاصة فهكون مؤيد ! والكلام ده طبعا غلط .
وده رد على الناس اللي ماسكة شوية تهم معلبة بترميها يمين وشمال ! للأسف سيادتي مش مؤيد اطلاقا لما يسمى بمليونية الشريعة ! اللي بالمناسبة مش هتكمل أصلا 200 شخص بالكتير يعني !
هيجي هنا شوية ناس متحمسة إيه ده يعني انت ضد الدين يا اسلام ! ومش عايز الشريعة تطبق !
ايوة مش تستغربوا هي بقت كدا انت لو خالفت حد على طول لازم يتهموك بأي شيء !
هقوله لأ طبعًا أنا مشروعي أصلا هو تطبيق الشريعة مش بس في مصر بل في أمتنا الإسلامية كلها ومع ذلك أنا ضد البتاعة دي !
تخيلوا معايا واحدة عايز تصرف على عيالها بس مش معاها فلوس فراحت تزني علشان تأكلهم !
نيتها حسنة وجميلة ، خايفة عليهم من الجوع ! لكن الوسيلة كانت الزنى .. هل ده أمر كويس !
طبعا الجواب لأ ! أمرضعة الأيتامِ من كدِ فرجها * لكِ الويلُ لا تزني ولا تتصدقي !
اللي انا عايز أقوله إن ممكن تكون نياتنا حسنة لكن وسائلنا غلط ، والنيّة الصالحة عمرها ما تصلح العمل الفاسد .
أنا عايز اطبق الشريعة ده كلام جميل ، طيب نشوف بقى الوسيلة هل يا ترى الوسيلة مناسبة !
لأ .. وده لأسباب أولها ، تطبيق الشريعة مش بيجي بمظاهرة ، بمعنى تطبيق الشريعة لو انت عايزه فعلا ممكن تقولي انت قدمت إيه للدين ، خدمت بلدك بإيه ، كام واحد أقنعته بأن الشريعة مناسبة ؟! يبقى عايز فعلا تطبق الشريعة اشتغل على الأرض ، انزل انت والشباب اللي حواليك اكنس منطقتك ، انزل في جمعية خيرية اشتغل ! اتصدق ، ساعد مريض .. وهكذا .. ده اللي هيعجل بتطبيق الشريعة
ثانيا .. ممكن تقولي مين دعى للبتاع اللي اسمها مليونية دي ؟! يعني يا صاحب الجروب ممكن تسمي العلماء اللي واقفين وراك في الأمر ده ؟! أنا مسمعتش حد من مشايخ مصر تكلموا عن كدا ولا سمعت حد من قيادات الاخوان تكلموا عن البتاعة دي ، يبقى يا ترى مين اللي خلاك تدعوا لشيء زي كدا وتتكلم ..
هيجي واحد يقولي مش لازم حد من العلماء يتكلم ! لأ يا حبيبي لازم جدا .. لأنك لو عايز تعمل مليونية فعليا يبقى لازم تكون ناجحة ، وعلشان تكون ناجحة لازم تعمل حشد مليوني فعلا ، وعلشان تعمل الحشد ده يبقى لازم أحد المشايخ الكبار هو اللي يدعوا ليها صراحة والاخوان يقفوا وراها ، غير كدا هتبقى فاشلة ، هتؤخر أكثر من كونها هتقدم ، هتقول للناس هي دي قوة الاسلاميين الحقيقية وده كلام باطل طبعا !
تخيلوا كدا انا بقول نازل مليونية ، وببص ملقتش غير 200 شخص ! مسخرة فعلا ، يبقى علشان تخدم قضيتك اسأت إليها بكل سذاجة .
ثالثا ممكن أعرف مين أول من دعى لشيء زي ده ، هل فيه نوايا أخرى غير تطبيق الشريعة! ليه التوقيت ده بالذات .. أظن دي اسئلة مشروعة .. ليه ميكنش اللي دعى لشيء زي كدا شخص عدو للإسلاميين اصلا وبيرد على خيبة الثورة التانية التقيلة ؟؟؟
فحب يورط بعض الشباب المتحمس اللي مش فاهم ! فقام عمل بيج ع الفيس وبدأ يخرف كدا ؟!
رابعا شوفوا كدا الفيديو ده وقولوا بقى يا ترى لو أهدافها كويسة فعلًا .. ليه الحاجة للكدب على الشيخ عبدالرحمن منصور ؟!!!!
أسباب رفض الأمر ده كثيرة جدا وعليه أنا مش نازل ولا أنصح أي حد متحمس ينزل ، وكمان نقطة مهمة جدا أكرمكم الله مش أي شيء تسمعوه تمشوا وراه دون تفكير ، يعني شوفت جروبات اسلامية بدأت تعلن عن المليونية العجيبة دي ، طيب ليه ؟! هل انت درست الأمر ، هل فكرت فيه وفي أبعاده المختلفة ، هل بصيت لميزان المصالح المترتبة والمفاسد فوجدت المصالح أكتر ! هل هل .. أكيد لأ شويّة حماس وخلاص .. لو على الحماس كلنا متحمسين وكلنا نفسنا في مصر الإسلامية من الآن قبل بكرة ، لكن ده مش هيجي باندفاع حماسكم اربطوه دائما بعقولكم حتى لا نفسد من حيث أردنا الإصلاح
جزاكم الله خيرًا ..
2 التعليقات:
انا لله وانا اليه راجعون
اصبحنا فى زمن الافتراء على مشايخ وعلماء اهل السنه والجماعه حفظهم الله ودام عليهم نعمته ومنته ما احياهم واصبحنا فى زمن السعى وراء اى كلمه دون تمحيص وولا تدقيق لما يحدث وهل هذا يوافق المنهج او يخالفه اصبح بعض منا يشوهون الاسلام وهم لا يشعرون بدعوا الحماس والعاصبيه التى لا تؤدى الا الى تشويه صوره المسلمون ولا تؤتى بثمار النفع اكثر ما تؤتى بثمار الخراب
فاله اسال ان يجعلنا من الذين يستمعون القول فيتبعون احسنه واساله سبحانه ان يثبتنا على المنهج
انه ولى ذلك ومولاه والقادر عليه
وجزاكم الله خيرا وحفظكم الله وبارك فيكم
جزاكم الله خير
مقال قمة ف الروعة
سلمت يمينك اسلوب موفق جداً
بارك الله فيكم
وللكذابين اللي كذبوا على الشيخ هو مش برده الكذب حرام
ولا انتم بتاخدوا من الدين اللي على هواكم وخلاص
اتقوا الله يا اصحال المنهج المبني على السب والطعن ف العلماء
نبيكم علمكم كده برده
إرسال تعليق